Ховд аймаг

"Үлэмжийн цэнхэр Хөлөнбуйр"

zulaa — Mon, 09 Nov 2026 10:45:26 +0800

Г.Занданшатар: Оюу толгойн гэрээ болон ногдол ашгийн талаар...

zulaa — Wed, 04 Nov 2026 10:02:02 +0800

Инь Юйжэнь “Сайкос” хоёул Ром хотод дахин уулзлаа

zulaa — Tue, 03 Nov 2026 19:24:40 +0800

Орон нутгийн цагаар 13-ны өглөө Хятадын хөдөлмөрийн жишээч Инь Юйжэнь Хятад улсын цөлжилттэй тэмцэх үйлсийг дэмжсэн Америкийн найз “Сайкос”-тай (жинхэнэ нэр нь Рональд Сакорски) Итали улсын Ром хотод дахин уулзлаа.

1999 онд Хятад улсад багшилж байсан “Сайкос” Инь Юйжэний цөлжилттэй тэмцсэн үлгэр үйл явдалд сэтгэл догдлон, 5000 ам.долларын хандив цуглуулж, Инь Юйжэнд шилжүүлэн өгсөн байна. Инь Юйжэнь “Сайкос” болон Хятад улсын холбогдох байгууллагуудын хүчтэй дэмжлэгтэйгээр 26 жилийн хугацаанд 50 мянган ширхэг мод тарьж, тасралтгүй арчилснаар цөлийг ногоон бүрд болгон хувиргасан байна.

“Сайкос” улсдаа буцсаны дараа хоёул хэсэг хугацаанд холбоо тасарчээ. Тэд энэ оны наймдугаар сард Хятадад эргэн уулзаж, одоо Ромд дахин уулзаад байгаа юм.

Инь Юйжэнь урилгаар НҮБ-ын Хүнс, хөдөө аж ахуйн байгууллага (FAO)-оос зохион байгуулсан Дэлхийн хүнсний форумд оролцохоор Ромд ирсэн нь энэ аж. Тэрээр цөлжилтэй тэмцсэн тухай түүхээ дэлхий нийттэй хуваалцах болно гэдгээ хэлсэн юм.

Ерөнхий редактор : Ё.Хишигбаяр

Редактор : Б.САРУУЛ

Эх сурвалж : news.cn

Өв соёлоо дэлхийд сурталчилсан 11 настай хүү Е.Сүбээдэй

zulaa — Tue, 03 Nov 2026 12:39:59 +0800

Сошиал орчин “Хөдөөний айл” хаягаар контент бэлтгэн хүргэдэг Ч.Ерөөлтүвшин, С.Буянтогтох нарын 11 настай хүү Е.Сүбээдэйн монгол гэрийг англи хэлээр танилцуулж буй бичлэг инстаграммд хэдийнээ 11 сая гаруй үзэлт авч, олон улсын үзэгчдийг сувагтаа нэгтгэж байна. Тэрээр англи хэлийг монгол ахуй соёл, өв уламжлалаа дэлхий нийтэд түгээн дэлгэрүүлэхэд хэрэглэж, өөрийн гэсэн үзэгчидтэй контент бүтээгч болжээ.

“Хөдөөний айл” бол өчигдөрхөн бий болсон цахим хуудас биш. Ч.Ерөөлтүвшин, түүний гэргий С.Буянтогтох нар хотын амьдралаас орон нутагт шилжин суурьшиж, хөдөө нутагт ч тав тухтай, боловсролтой, идэвхтэй амьдрах боломжтойг олон нийтэд харуулахыг зорьсон гэр бүл юм.

Ч.Ерөөлтүвшин нь хуульч, эрх зүйч мэргэжилтэй бол гэргий С.Буянтогтох нь олон улсын хоол зүйч, иогийн багш ажээ. Анх эрүүл амьдралын хэв маяг, зөв хооллолт, дасгал хөдөлгөөн, хүүхэд хүмүүжлийн талаарх мэдээлэл түгээж эхэлсэн тэд аажмаар хөдөө амьдрал, нүүдэл суудал, гэр бүлээрээ бүтээж буй орчин, хүүхдүүдийнхээ өдөр тутмын амьдралыг контент болгон хүргэх болсон юм

Улмаар Улаанбаатар хотоос Ховд аймгийн Дөргөн суманд шилжин суурьшсан нь тэдний амьдралын томоохон өөрчлөлт байв. Хосууд хөдөө нутагт амьдрахын зэрэгцээ цахим орчин, англи хэлний мэдлэгээ ашиглан ажиллаж, орон нутгийн хүүхдүүдэд англи хэл сурах боломж олгох чиглэлээр ч ажиллаж байжээ.

Энэ тухай Ч.Ерөөлтүвшин 2023 онд “Хөдөөгийн сэргэлт” үндэсний чуулганы үеэр ярьсан байдаг. Өөрөөр хэлбэл, хүүхэд хөдөө өснө гэдэг боловсрол, хэлний мэдлэг, дэлхийтэй харилцах боломжоо орхино гэсэн үг биш гэдгийг өөрсдийн амьдралаар харуулж байна.

Чихрийн реклам биш, ааруулын сурталчилгаа

Хүүгийн бичлэг сошиал орчинд олон сая үзэлт авч, гадаадын томоохон компаниас хүртэл ажлын санал, хамтран ажиллах хүсэлт илгээжээ. Энэ тухай аав Ч.Ерөөлтүвшин цахим хуудсандаа хүүгээ ямар нэгэн бүтээгдэхүүний сурталчилгаанд оролцохоос илүүтэй өөрийн гэсэн үзэл санаа, зорилготой, өв соёлоо дэлхийд сурталчилдаг контент бүтээгч гэдгийг онцолжээ. Тэрээр хүүгээ чихэр биш ааруул сурталчилдаг, бургерээс ч илүү амттай Монголын таван цулын мах, байцааны салаттай хуушуур гэж хоол байдгийг танилцуулдаг хэмээсэн юм. Энэ бол энгийн нэгэн аавын бахархал төдий зүйл биш. Хүүхэд ямар агуулга түгээж, юуг бусдад таниулах вэ гэдэгт гэр бүлийнх нь баримталдаг үнэт зүйл хэрхэн нөлөөлж байгааг харуулсны илрэл юм.

Өнөөдөр дэлхийн цахим орчинд хүүхдүүдийн оролцоотой контент олон төрөлтэй болсон ч өөрийн үндэсний хоол, уламжлалт хэрэглээ, гэр бүлийн хүмүүжил, ахуй соёлоо гол агуулгаа болгож буй нь тэдний ондоошил, бахархал болж байна.

Мөн хүүгийн хувьд англи хэл нь зөвхөн хичээлийн мэдлэг бус, Монголынхоо тухай дэлхийд ярьж, тайлбарлах хэрэгсэл болжээ. Хөдөө нутагт амьдардаг хүүхэд ч хэл сурч, олон улсын үзэгчдэд хүрч, өөрийн бүтээсэн контентоороо сонирхол татаж чадна гэдгийг тэр харуулж байна. Мөн саяхан тэд “Говь кашмер” ХК-тай хамтран контент бүтээж, Монголын ноолуур бол мал аж ахуй, малчдын хөдөлмөр, байгалийн онцлог, үндэсний үйлдвэрлэлтэй салшгүй холбоотой бүтээгдэхүүн. Гадаадын хэрэглэгчдийн хувьд ноолууран бүтээгдэхүүн нь тансаг хэрэглээний нэг төрөл байж болох ч түүний цаана ямар мал, ямар нутаг, ямар хөдөлмөр байдгийг тэр бүр мэддэггүй. Тиймээс ноолуурын тухай хүүхдийн оролцоотой, ойлгомжтой контент хийх нь Монголын бүтээгдэхүүний гарал үүсэл, үнэ цэнийг таниулах нэг хэлбэр болж, малчин өрхийн орлогыг нэмэгдүүлэхэд чиглэж байна. Эндээс “Хөдөөний айл”-ын контентын нэг чухал давуу тал харагдана. Тэд өв соёлоо музейн үзмэр мэт холоос тайлбарлахгүй, харин өдөр тутмын амьдралдаа хэрэглэж, идэж, өмсөж, хийж буй зүйлээрээ дамжуулан харуулдаг. Ааруул идэх, хуушуур хийх, монгол гэрт амьдрах, ноолуурын тухай ярих нь тэдний хувьд тус тусдаа сэдэв биш. Харин монгол хүн гэж хэн бэ, монголчууд хэрхэн амьдардаг вэ гэдгийг дэлхийд таниулах нэгэн цогц өгүүлэмж юм.

Эх сурвалж: “Зууны мэдээ” сонин

Элсэрхэг газрыг "Эрдэнэсийн сан" болгон хувирга

zulaa — Tue, 27 Oct 2026 19:40:42 +0800

ӨМӨЗО-ны Тунляо хотын Хүрээ хошууны Тамын Цагаан элсэн цөлд, Бээжин–Өвөр Монголын хамтын ажиллагааны хүрээнд баригдсан Жишин орчин үеийн хөдөө аж ахуйн үйлдвэрлэлийн парк нь өндөр ургац, өндөр үр ашигтай ухаалаг хөдөө аж ахуйн бааз болон хувирч, экологийн хамгаалалт, хөдөөгийн сэргэлтийг зэрэг хангах үр өгөөжтэй үйл ажиллагаа явуулж байна.

Хөдөө аж ахуйн үйлдвэрлэлийн парк нь Бээжин–Өвөр Монголын хамтын ажиллагааны хүрээн дэх хөдөөгийн сэргэлтийн гол төслүүдийн нэг бөгөөд нийт ойролцоогоор 5.1 га талбайг хамардаг. Үүний гол бүсэд ойролцоогоор 3.3 га талбай бүхий ухаалаг хүлэмж байрладаг. Орон нутгийн хуурай, усны хомсдолтой уур амьсгалын нөхцөлийг шийдвэрлэхийн тулд тус парк нь уур амьсгалыг автоматаар хянах систем, ус, бордооны нэгдсэн систем, биологийн аргаар хортон шавьжтай тэмцэх, зөгийгөөр тоос хүртээх зэрэг орчин үеийн хөдөө аж ахуйн технологийг нэвтрүүлжээ. Ингэснээр уламжлалт газар тариалалттай харьцуулахад усны 90 гаруй хувийг хэмнэж, усны нөөцийн ашиглалтыг мэдэгдэхүйц сайжруулан, тариалангийн хөрсний бохирдлоос үр дүнтэй сэргийлж, ус хэмнэсэн, экологийн цэвэр тариалалтыг хэрэгжүүлж байна.

Технологийн чадавхыг нэмэгдүүлснээр тус парк нь өндөр чанартай улаан лоолийн арав гаруй сортыг амжилттай тариалж, жилийн үйлдвэрлэл нь 560 тонноос даван, жилийн үйлдвэрлэлийн өртөг нь 13 сая юаньд хүрчээ. Бээжин–Өвөр Монголын хамтын ажиллагаа, түгээлтийн системд тулгуурлан тус паркийн жимс, хүнсний ногоог Бээжин дэх Шунь-И хөдөө аж ахуйн бүтээгдэхүүний урьдчилсан агуулахаар дамжуулан түгээж, “агуулах, үзэсгэлэн худалдаа, борлуулалт, түгээлт”-ийг нэгдсэн байдлаар хэрэгжүүлдэг. Энэ нь ложистик, агуулахын зардлыг 40 хувиар бууруулж, хүргэлтийн хугацааг нэг өдрөөр богиносгон, өндөр чанартай, элсэн хөрсөнд тариалсан улаан лоолийг Бээжингийн зах зээлд шууд нийлүүлэх боломжийг бүрдүүлдэг.

Үүний зэрэгцээ Хөдөө аж ахуйн үйлдвэрлэлийн парк нь орон нутгийн тариаланчид, малчдын орлогыг нэмэгдүүлэхэд үргэлжлүүлэн дэмжлэг үзүүлж, ойр орчмын 40 гаруй хүнийг тогтвортой ажлын байраар ханган, нэг хүнд ногдох сарын дундаж орлогыг бараг 4000 юаниар нэмэгдүүлсэн байна. Хөдөө аж ахуйн технологийн тогтмол сургалтаар дамжуулан тариаланчид, малчдыг уламжлалт ажил эрхлэлтээс шинэ төрлийн аж үйлдвэрийн ажилчин болгон төлөвшүүлж байна. Энэхүү төслийг амжилттай хэрэгжүүлснээр Бээжин–Өвөр Монголын хамтын ажиллагаагсайжруулан, Баруун Ляохэ голын сав газрын хөдөө аж ахуйн өөрчлөлт, шинэчлэл, экологийн цогц засаглалд хүчтэй түлхэц болжээ.

Нялх суулгацыг сонгон авч байна

Жимс, хүнсний ногоо хурааж байгаа нь

Савлаж баглан тээвэрлэж байна

Редактор : Х.АРВИНТАЛ

Зохиогч: МӨНХЧУЛУУ

П.Баярхүү: Хуулийн өмнө дуудагдсан бол үнэн шударгаа хүлээгээд шалгуулдаг байх ёстой

zulaa — Mon, 26 Oct 2026 15:58:25 +0800

П.Баярхүү: Хуулийн өмнө дуудагдсан бол үнэн шударгаа хүлээгээд шалгуулдаг байх ёстой. Жагсаалтын гишүүд даргадаа үйлчилж намын гишүүдийг хагалгаж байна

Улсын хэмжээнд 48 хүрэн баавгайг аюулгүй болгожээ

zulaa — Sat, 24 Oct 2026 17:43:51 +0800

Улсын хэмжээнд сүүлийн 24 цагийн хугацаанд баавгайтай холбоотой нийт найман удаагийн дуудлага, мэдээлэл бүртгэгджээ. Нийт ирсэн дуудлага, мэдээллийг нутаг дэвсгэрийн байршлаар нь авч үзвэл нийслэлийн Налайх дүүрэгт нэг, орон нутгаас Архангай аймагт нэг, Дархан-Уул аймагт нэг, Хэнтий аймагт таван удаагийн дуудлага тус тус бүртгэгджээ. Бүртгэгдсэн дуудлагын дагуу суурьшлын бүсэд, айл өрхийн ойролцоо орж ирсэн дөрвөн баавгайг аюулгүй болгож агнасан бол хоёр баавгайг үргээн, суурьшлын бүсээс гаргаж, ой руу буцаах арга хэмжээ авчээ.

Албаны мэдээгээр улсын хэмжээнд нийт 48 баавгайг аюулгүй болгосон бөгөөд үүнээс Хөвсгөл аймагт хамгийн олон буюу 16 баавгайг, зөвшөөрлийн дагуу 13, аргагүй хамгаалалтын хүрээнд гурав, Хэнтий аймагт 10 баавгайг, зөвшөөрлийн дагуу ес, аргагүй хамгаалалтын хүрээнд нэг, Сэлэнгэ аймагт найман баавгайг, зөвшөөрлийн дагуу долоо, аргагүй хамгаалалтын хүрээнд нэгийг тус тус аюулгүй болгожээ.

Түүнчлэн Увс аймагт дөрөв, Завхан аймагт гурав, Дархан-Уул аймагт хоёр, Төв аймагт хоёр, нийслэлд нэг, Архангай аймагт нэг, Булган аймагт нэг баавгайг тус тус аюулгүй болгож, хууль тогтоомжид заасны дагуу шийдвэрлэсэн байна.

Хүйтний улирал эхэлж, ичээндээ орохоос өмнө идэш тэжээл хайсан зэрлэг амьтад суурьшлын бүс рүү нэвтрэх тохиолдол нэмэгдэж байгаа тул иргэдэд зориулсан дараах сэрэмжлүүлэг, зөвлөмжийг хүргэж байна. Үүнд:

Зэрлэг амьтанд ойртож зураг авах, бичлэг хийхгүй байх
Хоол хүнс өгөхгүй байх
Тээврийн хэрэгслээр дагаж хөөхгүй байх
Гүйж зугтахгүй байх
Амьтны нүд рүү удаан ширтэхгүй байх
Амьтныг өдөөн хатгахгүй байхыг анхааруулж байна.

Орон нутгийн замд гулгаа үүсэж, осол гарах эрсдэл нэмэгдэв

zulaa — Sat, 24 Oct 2026 17:42:33 +0800

Орон нутгийн замд цас орж, замын зорчих хэсэгт мөсөн бүрхүүл үүссэнээс халтиргаа, гулгаа ихсэж, зам тээврийн осол гарах эрсдэл нэмэгдэж байна.

Нийт нутгаар их хэмжээний цас орсны улмаас зам, даваа гүвээ хаагдах, үзэгдэх орчин хязгаарлагдах нөхцөл байдал үүссэн байна. Улмаар аймаг, орон нутгийн авто замын засвар арчлалтын компаниуд замын хөдөлгөөний аюулгүй байдлыг хангах зорилгоор үзлэг, цэвэрлэгээний ажлыг гүйцэтгэж байгаа ажээ. Тодруулбал, Увс салбарын зам хариуцагчид улсын чанартай А1701 дугаартай Ховд–Улаангом чиглэлийн авто замын Улаангом талаас 25–53 км-ийн хоорондох Тогшилтын хөтөл орчимд замын хөдөлгөөний аюулгүй байдлыг хангах зорилгоор цас цэвэрлэгээ, халтиргаа гулгаанаас урьдчилан сэргийлэх ажлыг гүйцэтгэсэн байна.

Мөн А0902 Булган-Мөрөн чиглэлд 11-49км хооронд гулгаа үүссэн хэсэгт цас хайлуулах давс цацах ажил хийгдэж байгаа бол А1002 Эрдэнэт-Булган чиглэлд зам үзлэг хийжээ.

Алтай-Баянхонгор, Алтай-Ховд чиглэлүүдийн замуудад авто замын үзлэг хийж, А0304 дугаартай Алтай-Ховд чиглэлд давс, бодис цацах, автогрейдерээр авто замын зорчих хэсэгт үүссэн хунгар цасыг түрж цэвэрлэх, А0303 дугаартай Алтай-Баянхонгор чиглэлд Говь-Алтай салбарын ажилчид замын үзлэг хийж ажилласан гэж Онцгой байдлын ерөнхий гадзраас мэдээлэв.

Өнөөдөр /2026.10.23/ Ховд, Өмнөговь, Дорноговийн өмнөд, Хөвсгөл, Төв, Хэнтийн хойд сумдын нутгаар 0.0-5.0 мм нойтон цас, цас орж, цасан шуурга шуурах төлөвтэй байгаа аж.

Тиймээс хөдөө орон нутаг руу зорчиж байгаа иргэд тээврийн хэрэгслийн бүрэн бүтэн байдлыг хангаж, хурдаа тохируулан, цаг агаар, замын нөхцөл байдлыг харгалзан үзэж, зайлшгүй шаардлагагүй бол холын замд гарахгүй байхыг Онгцгой байдлын газраас анхааруулав. Мөн суурин газарт замын хөдөлгөөнд оролцож байгаа жолооч нар хоорондын зайгаа барьж, хүлээцтэй хандаж замын хөдөлгөөний дүрмээ мөрдөж замын хөдөлгөөнд оролцохыг сануулав.

Цаг агаарын нөхцөл хүндэрч байна

zulaa — Fri, 23 Oct 2026 18:20:06 +0800

Өнөөдөр буюу 10 сарын 22-ны өдөр Говь-Алтай, Баянхонгор, Өвөрхангай, Дундговь, Өмнөговь, Дорноговь аймгийн өмнөд хэсэг, Архангай аймгийн зүүн хэсгээр салхи секундэд 18–20 метр, зарим үед секундэд 24 метр хүрч ширүүсэх төлөвтэй байна

Баян-Өлгий, Ховд, Завхан, Говь-Алтай, Баянхонгор, Өвөрхангай, Архангай, Хөвсгөл, Булган, Төв, Сэлэнгэ аймгийн зарим нутгаар цас, нойтон цас орж, цасан шуурга шуурна.

Жолооч, тээвэрчид үзэгдэх орчин хязгаарлагдах эрсдэлтэй тул холын замд гарахаас зайлсхийж, зайлшгүй зорчих тохиолдолд тээврийн хэрэгслийн бүрэн бүтэн байдлыг шалган, хурдыг тохируулж, хоорондын зайг баримтлаарай.

Малчид малаа ойр бэлчээрлүүлж, цаг агаарын нөхцөлд тохируулан малын хариулга, хот хороо, хашаа саравчныхаа бэхэлгээг сайтар шалгаж, бага насны хүүхдийг малд явуулахгүй байхыг анхааруулж байна.

Иргэд цаг агаарын мэдээ, сэрэмжлүүлгийг тогтмол авч, өөрийн болон гэр бүлийнхээ аюулгүй байдлыг хангана уу.

Болзошгүй осол, эрсдэлээс сэргийлж, сонор сэрэмжтэй байгаарай!

Ховд аймгийн нутагт есөн зорчигчтой, хоёр суудлын автомашин цасанд суужээ

zulaa — Fri, 23 Oct 2026 12:13:59 +0800

Ховд аймгийн Буянт сумын нутаг аймгийн төвөөс баруун урт 35 км-т, сумын төвөөс зүүн зүгт 60 км-т орших Хар цохио багийн Далтын-Ус хэмээх газарт Дуут сумаас Жаргалант сумын чиглэлд зорчиж явсан есөн зорчигчтой, хоёр суудлын автомашин цасанд суужээ.

Энэ тухай дуудлагыг 2026.10.21-ний өдрийн 16:40 цагт хүлээн авч, тус аймгийн Онцгой байдлын газрын Эрэн хайх, аврах ангийн алба хаагчдыг очиход “Уаз 29891” загварын гурван зорчигчтой суудлын автомашин, “Toyota Land Cruiser 80” загварын 6 зорчигчтой суудлын автомашин цасанд суусан байсныг татан гаргасан байна.