Алба хаагчдад сэтгэлийн дэмжлэг үзүүлжээ

425
Шинэ төрлийн коронавирусний халдвараас урьдчилан сэргийлж хөл хорио тогтоосонтой холбогдуулан орон нутагт авто замын хөдөлгөөнийг түр хугацаанд хязгаарласан. 
Тэгвэл Ховд аймгийн Жаргалант сумын 6 хяналтын постод цагдаа, онцгой байдлын газрын алба хаагчид 24 цагийн турш хяналт тавин ажиллаж байна.
Эдгээр байгууллагын алба хаагчдыг дэмжих зорилгоор Ховд аймгийн Хөдөлмөр халамжийн үйлчилгээний газраас 6 ажлын хэсэг байгуулсан. Улмаар хяналтын пост дээр үүрэг гүйцэтгэж байгаа ажилтнуудад зориулан цай, аарц, чацаргана, хоол хийж, амны хаалт, витамин, гар ариутгалын бодис зэрэг бүтээгдэхүүний хамт хүлээлгэн өгчээ.  
Мөн өндөржүүлсэн бэлэн байдлын үед үүрэг гүйцэтгэж байгаа алба хаагчдад зориулан “Давшилт мөрөн” хоршооны хамт олон 200 ширхэг амны хаалт, дархлаа дэмжих үйлчилгээтэй бэлдмэл гардуулан өгсөн аж.
Түүнчлэн дотоодын цэргийн тусгай салбарын хамт олон, гэр бүлийн гишүүд болон Ховдын зарим залуучууд хяналтын постуудад 24 цагаар үүрэг гүйцэтгэн ажиллаж байгаа алба хаагчдыг халуун хоол, цайгаар дайлж сэтгэлийн дэм үзүүлсэн гэж албаны эх сурвалж мэдээллээ. 

Н.Лхагва
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд Khovd.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
Khovd.nutag.mn