Ховд аймгийн Эрүүл мэндийн газрын санаачилгаар “Нян устгах гэрэл”-ийг үнэ төлбөргүй зөөвөрлөн ажиллуулж, ариутгал халдваргүйтгэл хийхээр болжээ. Өөрөөр хэлбэл, “Ачит-алтан хундага”, “Вансэмбэрүү”, “Ховд Монос” эмийн сангаас нийгмийн хариуцлагынхаа хүрээнд аж ахуйн нэгж, албан байгууллагын өрөө тасалгаанд эмнэлгийн түвшинд хэрэглэдэг нян устгах гэрлийг үнэ төлбөргүй зөөвөрлөн ажиллуулах замаар ариутгал халдваргүйтгэл хийх юм. Энэхүү үйлчилгээг энэ оны гуравдугаар сарын турш хэрэгжүүлнэ. Тиймээс нян устгах гэрлийг ашиглах хүсэлтэй аж ахуйн нэгж, албан байгууллагууд Ховд аймгийн Эрүүл мэндийн газрын 70432526, 94009598 утсаар холбогдож, захиалга өгөх боломжтой аж.