Буянт голын усны түвшин 340 см буюу үерийн түвшинд хүрч, Үенч голын усны түвшин 132 см, үерийн түвшнээс хоёр см-ээр, Бодонч голын усны түвшин 192 см хүрч үерлэх нөхцөл бүрдсэн байна. Харин Хар ус нуурын усны түвшин 263 см хүрч, үерийн түвшнээс 8 см-ээр даван үерлэж байгаа юм.

Иймд дээрх голуудын дагуу суурьшиж байгаа айл өрх, аж ахуйн нэгж, байгууллага, аялал зугаалгаар явж байгаа ард, иргэд та бүхэн гэнэтийн шар усны үерийн аюулаас сэрэмжтэй байхыг ОБЕГ-аас анхааруулж байна.