Ховд аймгийн хэмжээнд мал төллөлт 78 хувьтай үргэлжилж байна. Тодруулбал, энэ онд аймгийн хэмжээнд 1 сая 364 мянга 922 хээлтэгч мал төллөнө. Дөрөвдүгээр сарын 16-ны өдрийн байдлаар 1 сая 61 мянга 709 мал төллөжээ. Үүнд: ингэ 2367, гүү 5635, үнээ 18689, хонь 429831, ямаа 605187 байна.  

Одоогийн байдлаар аймгийн хэмжээнд 1 сая 54 мянга 476 төл бойжиж байна. Тодруулбал, 2273 ботго, 5533 унага, 18330 тугал, 426810 хурга, 601530 ишиг бойжиж буй. Төл бойжилт дунджаар 99.2 хувьтай байгаа бол 8215 төл мал хорогдсон гэж аймгийн ХХААГ-аас мэдээллээ.