Ховд аймагт орон нутгийн хөгжлийн сангийн хөрөнгө оруулалтаар багийн эмч нарыг унаажуулах ажил үе шаттай хэрэгжиж байна. Энэ удаа Чандмань сумын Талын булаг, Урд гол багийн эмч нарт мотоцикл олгожээ. Ингэснээр Чандмань сумын бүх багийн эмч нар унаатай болж байна. Цаашид хөдөө орон нутгийн иргэдэд эрүүл мэндийн анхан шатны тусламж үйлчилгээг шуурхай хүргэх боломж бүрдэж байна гэж албаны эх сурвалж онцоллоо. Аймгийн Засаг дарга Б.Дүгэржав, ИТХ-ын төлөөлөгч Н.Батцагаан, Т.Баатарзориг нар Чандмань суманд ажиллах үеэрээ тус мотоциклийг багийн эмч нарт гардуулан өгчээ.