Ховд их сургууль ньшинэ төрлийн коронавирусний халдвараас сэргийлэх журмын дагуу бэлтгэл хангаж, есдүгээрсарын 01-ний өдөр сургалтын үйл ажиллагаагаацахимаар эхэллээ. 

2020-2021 оны хичээлийн жилд тус сургууль 200 гаруй багш ажилтан, нийт 1600 гаруй оюутантай сургалтын үйл ажиллагаа явуулна. Үүний 200 гаруй нь шинээр элсэн суралцаж буй оюутан юм. 

Тус сургуулийн хамт олон энэ хичээлийн жилд цахим сургалтын хэлбэрийг нэвтрүүлэх, зарим хөтөлбөрүүдээ магадлан итгэмжлүүлэх зэрэг зорилт дэвшүүлжээ.

Мөн энэ хичээлийн жилд танхим болон танхимын бус сургалтыг хослуулж, шинээр гурван хөтөлбөрийн сургалтыг эхлүүлж байгаагаараа онцлогтой гэж тус сургуулийн захирал Б.Нямдорж мэдээллээ.

Улмааршинээр эхлүүлсэн дуу хөгжмийн багш, нийгмийн эрүүл мэндийн хөтөлбөрийн бакалавр, бизнесийн удирдлагын магистрын хөтөлбөрийн сургалтыг чанартай явуулахад анхаарна. Үүнээс гаднаХовд их сургуулийг хөгжүүлэх мастер төлөвлөгөөний хоёрдугаар шатны зорилтыг амжилттай хэрэгжүүлэхээр зорьж байгаа аж.