Ховд аймгаас гурван тариаланч энэ жил “Улсын аварга тариаланч” цол хүртсэн. Тэдний нэг бол Мянгад сумын Баянхошуу багийн тариаланч Баттогтохын Отгонтөгс юм.

Б.Отгонтөгсийн гэр бүл 25 жил газар тариалан эрхэлж, орон нутгийнхаа иргэдийг эрүүл, эко бүтээгдэхүүнээр ханган ажиллаж байна. Жил бүр 3-5 га талбайд төмс, хүнсний ногоо, тарвас, тэжээлийн ургамал тарьж, жилд дунджаар 30-50 тонн ургац хураан авдаг аж.

Цаашид Ховд аймгийн Засаг даргын үйл ажиллагааны хөтөлбөрт тусгасан “Жимс жимсгэнэ” хөтөлбөрийг хэрэгжүүлэхэд бодит хувь нэмрээ оруулах зорилготой ажиллаж байна гэж Улсын аварга тариаланч Б.Отгонтөгс ярив. 

Аймгийн Засаг дарга Б.Дүгэржаваар ахлуулсан ажлын баг өнгөрсөн сард түүний шагналыг албан ёсоор гардуулан өгч, баяр хүргэжээ.