Ховд аймагт коронавирусний халдварын батлагдсан тохиолдол 213-аар нэмэгдэж,нийт 13027 боллоо.  Өнөөдрийн байдлаар нийт 734 хүн хэвтэн эмчлүүлж байна. Үүнээс 35 нь 18 хүртэлх насны хүүхэд, 58 нь жирэмсэн эх юм. Биеийн байдал нь нэн хүнд 13, хүнд 40, хүндэвтэр 154, хөнгөн онош бүхий 219 хүн байна. 

Мөн нийт 4672 хүн гэрээр эмчлүүлж байгаа аж. Сүүлийн 24 цагт эмнэлэг болон гэрийн эмчилгээнээс 404 хүн гарчээ. Ингэснээр халдвар аваад эдгэрсэн хүний тоо 9382 боллоо. 

Мөн Жаргалант сумын иргэн Ц. 31 настай, эмэгтэй. 2021 оны eсдүгээр сарын 13-ны өдөр коронавирусний халдварын нэн хүнд хэлбэрээр нас барсныг Эрүүл мэндийн яам албан ёсоор бүртгэсэн байна. Ингэснээр Ховдод коронавирусний халдварын улмаас нас барсан тохиолдол нийт 13 болов.