Монгол Улсын шинэ Үндсэн хууль батлагдсаны 30 жилийн ойд зориулсан хүчит бөхийн барилдаан энэ сарын 11-нд Ховд аймагт боллоо.

Тус үйл ажиллагааг аймгийн ИТХ, Биeийн тамир спортын газар, Үндэсний бөхийн холбоо хамтран зохион байгуулсан юм. Хүчит бөхийн барилдаанд Чандмань сумын харьяат, Зэвсэгт хүчний 123 дугаар ангийн бөх аймгийн арслан М.Эрдэнэжаргал, Эрдэнэбүрэн сумын харьяат, аймгийн заан Ц.Заяатүшиг нараар манлайлуулсан 48 бөх зодоглолоо. Үүнд аймгийн арслан болон заан нэг, начин зургаа байв. Мөн сумын заан 24, начин гурав, залуу бөх 13 байлаа.

Улмаар бөхийн барилдаанд Дөргөн сумын харьяат, аймгийн начин Л.Ням-Очир түрүүлж, Дарви сумын харьяат, сумын заан Б.Пүрэвсайхан үзүүрлэлээ.

Харин Баян-Өлгий аймгийн Улаанхус сумын харьяат, аймгийн начин Ш.Еркинбек шөвгөрлөө.

Энэ үeэр Мөст сумын харьяат, залуу бөх О.Чадалбатыг “Уран барилдаант бөх”-өөр шалгаруулж, өргөмжлөл мөнгөн шагналаар шагнажээ.