Өнөөдөр 08.00 цагт Ховд аймагт агаарын температурын хувьд хамгийн хүйтэн нь Цэцэг суманд -40°С, хамгийн дулаан нь Алтай суманд -24°С хүйтэн байлаа. Энэ сарын 31-ний өдрийн 08.00 цагаас 20.00 цаг хүртэлх цаг агаарын урьдчилсан мэдээнээс үзэхэд Ховд аймгийн нутгаар өдөртөө багавтар үүлтэй. Цас орохгүй. Салхи баруунаас секундэд 2-7 метр байна.  Агаарын температурын хувьд Цэцэг сум, Их нууруудын хотгорын сумдад 22-27 градус хүйтэн, бусад сумын нутгаар 14-19 градус хүйтэн байх төлөвтэй.

Ирэх хоёрдугаар сарын 6-ны өдрөөс хүйтний эрч бага зэрэг суларна гэж Ховд аймгийн Ус, цаг уур, орчны шинжилгээний төвөөс мэдээллээ.

Ховд аймгийн нийт нутгаар одоо цасан бүрхүүлтэй байна. Жаргалант, Зэрэг, Манхан, Дарви сумын нутгаар хамгийн их буюу 5-6 см, Мөнххайрхан, Мөст, Дуут сумын нутгаар хамгийн бага буюу 0-1 см цастай байна.