Малайз улсын дээд шүүхээс загвар өмсөгч Ш.Алтантуяа агсны гэр бүлд 1.53 сая сингапур долларын нөхөн төлбөр олгох шийдвэр гаргалаа. Тус улсад онц хэрцгийгээр алагдсан Ш.Алтантуяа агсны гэр бүлийн хэрэг 2006 оноос хойш шийдэгдэлгүй үргэлжилсээр, 16 жилийн дараа ийнхүү шүүхэд ялав.

2007 оны 6 дүгээр сарын 4-нд  Алтантуяагийн эцэг эх болох доктор Сэвэвийн Шаарийбуу, Санжаагийн Алтанцэцэг, тэдний ач хүү Баяржаргалын Мөнгөншагай, Мөнхтулгын Алтаншагай нар Малайзын засгийн газар болон Ш.Алтантуяа агсны амийг бүрэлгэсэн хоёр цагдаагийн эсрэг нэхэмжлэл гаргаж байсан юм.

Малайзын иргэний шүүхийн шүүгч Вазир Алам Мидин Мира “хохирогчийн гэр бүл цагдаагийн тусгай албанд ажиллаж байсан Сирул Азхар Умар, Азила Хадри нарын эсрэг нэхэмжлэлээ амжилттай нотолж чадсан” гэж мэдэгджээ.