Ховд аймагт одоогийн байдлаар коронавирусний халдварын батлагдсан тохиолдол 57-оор нэмэгдэж, нийт 16682 боллоо. Сүүлийн 24 цагт эмнэлэг болон гэрийн эмчилгээнээс 157 хүн гарчээ. Ингэснээр халдвар авсан нийт 15293 хүн эдгэрсэн мэдээтэй байна.

Өнөөдрийн байдлаар нийт 379 хүн хэвтэн эмчлүүлж байгаа. Үүнээс 63 нь 0-18 насны хүүхэд, 33 нь жирэмсэн эх юм. Одоо биеийн байдал нь маш хүнд хоёр, хүнд 21, хүндэвтэр 175, хөнгөн онош бүхий 181 хүн байна.

Мөн аймгийн төв болон хөдөөгийн сумдад нийт 1221 хүн гэрээр эмчлүүлж байна. Халдварын улмаас нас баралтын тохиолдол нэмж бүртгэгдээгүй, 20 хэвээр байна гэж Ховд аймгийн Онцгой комиссын дэргэдэх “Шуурхай штаб”-аас мэдээллээ.