Ховд /МОНЦАМЭ/. Ховд аймгийн “Хар-Ус” нуурандэнэ жил 80 гаруй борцгор хотон шувуузуссан гэх судалгаа бий.Энэхүүборцгор хотон шувуун сүргийн хоёр ангаахайд сансрын дамжуулагч зүүжээ.

Ингэснээрнэн ховор хотон шувууны нүүдлийн амьдралыг судлах боломж бүрдүүлсэн аж.  

Шувууд энэ сарын 3-ны өдөр 18:00 цаг орчимд Сангийн далай нууранд чуулаад, маргааш өдрийнхөө 11 цаг 42 минутад хөдөлж, Бөөн цагаан нуурыг чиглэн нисэж явааг тус дамжуулагчаар хянаж байна гэж салбарын мэргэжилтнүүд мэдээллээ.

Борцгор хотон шувуу нь Монгол орны зөвхөн Хар-Ус нуурын орчимд зусаж, өндөглөн нүүдэллэдэг. Мөн Хар-Ус нуур орчимд 260 гаруй төрлийн шувуу бий гэх судалгаа байна.